Ábóti í rokkhljómsveit

Notker Wolf er 62 ára gamall ábóti 25 þúsund munka og nunna í klaustrum Benekdtínareglunnar. Helsta tómstundagaman hans er afar óvenjulegt miðað við stöðu hans en yfirmunkurinn er gítarleikari í þungarokkshljómsveitinni Feedback. Fyrsta plata sveitarinnar, Rock My Soul, kemur út í þessari viku.
Á plötunni eru frumsamin lög hljómsveitarinnar auk laga Jethro Tull, ZZ Top, Van Halen og Deep Purple. Notker segir að tónlistin sé ágæt hvíld frá erilsömu starfi hans en hann þarf að heimsækja 341 klaustur vítt og breitt um heiminn. "Ég tek gítarinn alltaf með mér í ferðalögin og er alltaf að æfa mig, stundum m.a. í flugvélunum." Félagar hans fimm í hljómsveitinni segja að það sé vissulega óvenjulegt að hafa guðsmann í hljómsveit af þessu tagi.
Fleiri fréttir